چوہدری شافع حسین کی زیر صدارت صوبائی کونسل برائے ایس ایم ایز کا پہلا اجلاس،ایس ایم ایز کے فروغ کیلئے متعدد اہم فیصلے ایس ایم ایز کے فروغ کیلئے آسان شرائط پر قرضوں کی نئی سکیم لانے کا فیصلہ

چوہدری شافع حسین کی زیر صدارت صوبائی کونسل برائے ایس ایم ایز کا پہلا اجلاس،ایس ایم ایز کے فروغ کیلئے متعدد اہم فیصلے

ایس ایم ایز کے فروغ کیلئے آسان شرائط پر قرضوں کی نئی سکیم لانے کا فیصلہ

ایس ایم ایز کا معشیت کے فروغ میں کلیدی کردار،چھوٹے اور درمیانے درجے کے کاروبار کے فروغ کیلئے مربوط کاوشیں کی جائیں گی،صوبائی وزیر صنعت و تجارت

لاہور  :-صوبائی وزیر صنعت و تجارت چوہدری شافع حسین کی زیر صدارت صوبائی کونسل برائے ایس ایم ایز کا پہلا اجلاس منعقد ہوا -محکمہ صنعت وتجارت کے کمیٹی روم میں منعقدہ اجلاس میں چھوٹے اور درمیانے درجے کے کاروبار کے فروغ کیلئے متعدد اہم فیصلے کئے گئے،ایم ڈی پنجاب سمال انڈسٹریز کارپوریشن سائرہ عمر نے ایس ایم ایز کے فروغ کیلئے اٹھائے گئے اقدامات اور لائحہ عمل بارے تفصیلی بریفننگ دی۔اجلاس کے دوران ایس ایم ایز کے فروغ کیلئے آسان شرائط پر قرضوں کی نئی سکیم لانے کا فیصلہ کیا گیا-یہ سکیم بنکوں کے اشتراک سے آگے بڑھائی جائے گی،سکیم کے تحت سمال انڈسٹریل اسٹیٹس میں سولر انرجی کے فروغ کیلئے  صنعت کاروں کو آسان قرضے دئیے جائیں گے۔ اجلاس میں خواتین سرمایہ کاروں کی بزنس سکل بڑھانے کیلئے نیا پروگرام شروع کرنے کا فیصلہ بھی ہوا جس کے تحت ایشیائی ترقیاتی بینک کے تعاون سے لاہور  کے بعد فیصل آباد،ملتان،راولپنڈی،گوجرانوالہ اور سیالکوٹ میں ویمن ریسورس سینٹر بنائے جائیں گے،اجلاس میں پنجاب سمال انڈسٹریز کارپوریشن کی مکمل ڈیجیٹائزشن کا فیصلہ بھی ہوا،اجلاس کے دوران نیشنل  ایس ایم ایز پالیسی 2021 کی روشنی میں صوبائی ایس ایم ایز پلان-29 2024 پر کام کی رفتار تیز کرنے کا بھی فیصلہ ہوا۔

صوبائی وزیر صنعت و تجارت چوہدری شافع حسین نے اجلاس سے خطاب کرتے ہوئے کہا کہ معیشت کے فروغ میں ایس ایم ایز کا کلیدی کردار ہے، چھوٹے  اور درمیانے درجے کے کاروبار کے فروغ کیلئے مل کر آگے بڑھیں گے،انہوں نے کہا کہ ایس  ایم ایز کے فروغ کیلئے 5سالہ پلان بنایا جارہا ہے۔ صوبائی وزیر نے ایس ایم ایز کے فروغ کا 5سالہ پلان تیزی سے مکمل کرنے اور سمال انڈسٹریل اسٹیٹس میں لینڈ لیز پالیسی کو جلد حتمی شکل دینے کی ہدایت کی۔

صوبائی وزیر کو بریفننگ کے دوران بتایا گیا ہے کاروبار میں آسانیاں پیدا کرنے کیلئے متعدد اصلاحات کی گئی ہیں۔ اجلاس کے  دوران انڈسٹری کے فروغ کیلئے متعدد تجاویز کا بھی جائزہ لیا گیا۔

سیکریٹری صنعت وتجارت ڈاکٹر احسان بھٹہ، ڈی جی انڈسٹریز آصف علی فرخ،سی ای او پیڈمک،سی ای او سمیڈا اور مختلف محکموں کے افسران نے اجلاس میں شرکت  کی۔ایوان صنعت و تجارت لاہور کے صدر ابو ذر شاد،ریجنل چئیرمن ایف پی سی سی آئی ذکی اعجاز اور دیگر بھی بھی اجلاس میں شریک ہوئے-

٭٭٭٭ 

Read More

لاہور یوتھ فیسٹیول کے ٹرائلزاختتام پذیر ہوگئے ڈی جی سپورٹس پنجاب پرویز اقبال اختتامی روز کے ٹرائلز کے مہمان خصوصی تھے، انہوں نے مقابلوں کا جائزہ لیا

لاہور یوتھ فیسٹیول کے ٹرائلزاختتام پذیر ہوگئے

ڈی جی سپورٹس پنجاب پرویز اقبال اختتامی روز کے ٹرائلز کے مہمان خصوصی تھے، انہوں نے مقابلوں کا جائزہ لیا

لاہور یوتھ فیسٹیول کے چار روزہ ٹرائلز میں کھلاڑیوں کا جوش و خروش دیدنی تھا، پنجاب حکومت کی جانب سے ان گیمز کا انعقادبہترین اقدام ہے،ڈی جی سپورٹس پنجاب

 لاہور یوتھ فیسٹیول کے کامیاب کھلاڑیوں کو انڈوومنٹ فنڈ کے ذریعے سکالرشپ دیں گے، ان کھلاڑیوں کی کوچنگ اور گرومنگ کرکے مقابلوں کیلئے تیار کریں گے، پرویز اقبال

لاہور :-لاہور یوتھ فیسٹیول جیولن تھرو، لانگ جمپ، ہائی جمپ، پول والٹ، ڈسکس تھرو، رسہ کشی اور ٹرپل جمپ کے ٹرائلز منگل کے روز پنجاب سٹیدیم میں اختتام پذیر ہو گئے،ڈائریکٹرجنرل سپورٹس پنجاب پرویز اقبال اختتامی روز بوائز کے مقابلوں کے مہمان خصوصی تھے، انہوں نے ٹرائلز کا جائزہ لیا اور کھلاڑیوں کے کھیل کی تعریف کی ہے،ٹرائلز میں 28یونیورسٹیز کے 250سے زائد بوائز کھلاڑیوں نے شرکت کی ہے۔

لاہور یوتھ فیسٹیول میں یونیورسٹی کے جیولن تھرو کے مقابلوں میں پنجاب یونیورسٹی کے نسیم عباس، یونیورسٹی آف سنٹرل پنجاب کے محمد عمیر،جی یو سی ایل کے نسیم عباس، جی سی یو کے کاشف علی اور یونیورسٹی آف سنٹرل پنجاب کے محمد مشتاق نے فائنل کیلئے کوالیفائی کرلیا ہے جبکہ سکول و کالجز کے جیولن تھرو کے ٹرائلز میں پی سی سی کے آفتاب، جی سی یو کے طارق علی اور احمد رضا،کریسنٹ سکول کے قاسم اعوان اور لاہور گروپ آف کالجز کے ضرارعارف نے فائنل میں جگہ بنالی ہے،رسہ کشی کے ٹرائلز میں پنجاب یونیورسٹی اور گریژن یونیورسٹی نے فائنل کیلئے کوالیفائی کرلیا جبکہ رسہ کشی سکول و کالجز کے ٹرائلز میں پنجاب گروپ آف کالجز اور لاہور گریژن ایجوکیشن سکول سسٹم فائنل میں جگہ بنانے میں کامیاب رہے ہیں،بوائز سکول و کالجز کے ہائی جمپ کے ٹرائلز میں یونیورسٹی آف سنٹرل پنجاب کے احمد اور عدیل نے پہلی اور دوسری جبکہ پنجاب یونیورسٹی کے ابوبکر نے تیسری پوزیشن حاصل کی،پول والٹ یونیورسٹیز کے ٹرائلز میں پنجاب یونیورسٹی کے علی عدنان  نے پہلی، سپیرئیریونیورسٹی کے حسن اورمبشر نے دوسری اور تیسری جبکہ یو سی پی کے عبدالرحمن اور سپیرئیر یونیورسٹی کے نبیل نے چوتھی اور پانچویں پوزیشن حاصل کی ہے۔

ڈائریکٹرجنرل سپورٹس پنجاب پرویز اقبال نے ٹرائلز کے موقع پر میڈیاسے گفتگو کرتے ہوئے کہا ہے کہ چار روزہ ٹرائلز میں کھلاڑیوں کا جوش و خروش دیدنی تھا، لاہور یوتھ فیسٹیول پنجاب حکومت کی جانب سے بہترین ایونٹ منعقد کیا جارہا ہے،اس سے بچوں کی صلاحیتوں میں نکھار آئے گااور نیا ٹیلنٹ سامنے آئے گا،ڈائریکٹرجنرل سپورٹس پنجاب پرویز اقبال نے مزید کہا ہے کہ لاہور یوتھ فیسٹیول کے کامیاب کھلاڑیوں کو انڈوومنٹ فنڈ کے ذریعے سکالرشپ دیں گے، ان کھلاڑیوں کی کوچنگ اور گرومنگ کرکے آئندہ ہونیوالی قائداعظم گیمز اور نیشنل گیمز کے مقابلوں کیلئے تیار کریں گے۔

ٹرائلز کے موقع پر ڈائریکٹر سپورٹس یاسمین اختر، ڈائریکٹریوتھ افیئرز رانا ندیم انجم، محمد حفیظ بھٹی، غفار گجر ودیگر موجود تھے-

٭٭٭٭ 

Read More

پنجاب حکومت کا مرحلہ وار وکلاء کے مسائل کو حل کرنے کے لئے عملی اقدامات کا سلسلہ جاری رحیم یار خان، چنیوٹ، لیہ، اور بہاولنگر بار ایسوسی ایشنز کے صدور و جنرل سیکرٹریزکی لاہور آمد پنجاب حکومت کی جانب سے 2 کروڑ روپے کی گرانٹس دیں گئیں

پنجاب حکومت کا مرحلہ وار وکلاء کے مسائل کو حل کرنے کے لئے عملی اقدامات کا سلسلہ جاری

رحیم یار خان، چنیوٹ، لیہ، اور بہاولنگر بار ایسوسی ایشنز کے صدور و جنرل سیکرٹریزکی لاہور آمد

پنجاب حکومت کی جانب سے 2 کروڑ روپے کی گرانٹس دیں گئیں

بارز کے مسائل کے فوری حل کیلئے کئے جانے والے حکومت پنجاب کے اقدامات قابل ستائش ہیں۔ صدورو جنرل سیکرٹریز

پنجاب کی تاریخی میں پہلی بار عملی طورپر وکلاء کے مسائل کو حل کیا جا رہا ہے۔صوبائی وزیر قانون

 ینگ وکلا کی تربیت کے لیے پروگرامز بھی تیار کیے جارہے ہیں۔ وزیر قانون ملک صہیب احمد بھرتھ

بارز میں خواتین وکلاء کے لئے ڈے کیئر سنٹرز بنائیں گے۔ صوبائی وزیر قانون

لاہور :- پنجاب حکومت مرحلہ وار وکلاء کے مسائل حل کے لئے عملی اقدامات کررہی ہے۔ صوبائی وزیر قانون ملک صہیب احمد بھرتھ کی دعوت پر رحیم یار خان، چنیوٹ، لیہ، اور بہاولنگر بار ایسوسی ایشنز کے صدور و جنرل سیکرٹریز صوبائی وزیر قانون ملک صہیب احمد بھرتھ اور پارلیمانی سیکرٹری قانون خالد رانجھا سے ملاقات کے لئے  لاہور آئے۔ ملاقات میں بار ایسوسی ایشنز کے صدور زاہد بنگش ایڈووکیٹ (رحیم یار خان)، شیخ مہتاب ایڈووکیٹ (لیہ)، ملک فضل حیسن ایڈووکیٹ (چنیوٹ) اور مرزا اعظم (بہاولنگر) شامل تھے۔ جنرل سیکرٹریز بار اور سیکرٹری قانون پنجاب بلال احمد لودھی بھی ملاقات کے موقع پر موجود تھے۔ اس دوران پنجاب حکومت نے مختلف بار ایسوسی ایشنز کو گرانٹس فراہم کیں۔ بارز میں مجموعی طور پر  دو کروڑ روپے کے چیکس تقسیم کیے گئے ہیں۔ بہاولنگر بار کو 50 لاکھ، چنیوٹ بار کو 50 لاکھ، لیہ بار کو 50 لاکھ اور رحیم یار خان بار کو بھی 50 لاکھ روپے کی گرانٹس دی گئیں۔ یہ گرانٹس ای لائبریری، کنٹین، بار رومز کی تزئین و آرائش، سولر پینلز، کتب کی خریداری، بجلی اور دیگر بنیادی مسائل کے حل کے لیے استعمال کی جائیں گی۔ملاقات میں وکلاء کے لیے کئی اہم مسائل پر بات چیت کی گئی، جن میں فی میل بار اور چیمبر کی تعمیر، پارکنگ کی سہولیات، نوجوان وکلا کے لیے خصوصی پروگرام، ای لائبریری، قانونی کتب کی فراہمی، وکلا چیمبرز، جیل کا قیام، وکلا کا علاج معالجہ، وکلا کالونی، واش رومز کی کمی، وکلا فنڈز، اور بار رومز کی تزئین و آرائش شامل تھے۔ صدور اور جنرل سیکرٹریز نے حکومت کے فوری اقدامات کی تعریف کی۔چنیوٹ بار کے صدر نے فیصل آباد چنیوٹ روڈ کی تعمیر کو قابل تحسین قرار دیا، جبکہ لیہ بار کے صدر نے وکلا کے مسائل کے حل کو ہوا کی ایک ٹھنڈی ہوا جیسا بتایا۔ بہاولنگر بار کے صدر نے نواز شریف اور شہباز شریف کے دور میں جنوبی پنجاب کے اضلاع میں ہونے والی ترقی کا ذکر کیا۔صوبائی وزیر قانون ملک صہیب احمد بھرتھ  کا اس موقع پر کہنا تھا کہ پنجاب کی تاریخ میں پہلی بار عملی طور پر وکلاء کے مسائل کو حل کیا جا رہا ہے۔ اُن کا کہنا تھا کہ ینگ وکلا کی تربیت کے لیے پروگرامز بھی تیار کیے جارہے ہیں۔ انہوں نے کہا کہ وکلا اور حکومت ایک ہی ٹیم کی طرح کام کر رہے ہیں۔وزیر قانون ملک صہیب احمد بھرتھ نے کا کہنا تھا کہ بارز میں خواتین وکلا کے لیے ڈے کیئر سینٹر قائم کئے جائیں گے انہوں نے واضح کیا کہ وکلا کے مسائل کو  مستقل بنیادوں پر مرحلہ وار حل کیا جا رہا ہے کیونکہ وزیر اعلیٰ پنجاب بھی وکلا کے مسائل کو ترجیحی بنیادوں پر حل کرنے میں دلچسپی رکھتی ہیں پارلیمانی سیکرٹری قانون خالد رانجھا کا اس موقع پر کہنا تھا کہ وکلا کے مسائل کو حل کرنے کے لیے ہر ممکن اقدامات اُٹھائے جارہے ہیں -

٭٭٭٭٭٭٭٭ 

Read More

تمام اضلاع کے ایڈیشنل کمشنرز ریونیو 11 نومبر تک موضع جات کی جمع بندیاں بورڈ آف ریونیو کو جمع کرانے کی ہدایت

تمام اضلاع کے ایڈیشنل کمشنرز ریونیو 11 نومبر تک موضع جات کی جمع بندیاں بورڈ آف ریونیو کو جمع کرانے کی ہدایت

بورڈ کو بروقت جمع بندیاں جمع نہ کرانے والے افسران و اہلکاران کے خلاف سخت قانونی کارروائی کی جائے گی:نبیل جاوید

لاہور  :-سینئرممبر بورڈ آف ریونیو پنجابنبیل جاوید کی زیر صدارت پنجاب اربن لینڈ ریکارڈ سسٹم انہاسمنٹ(پلس) کا اہم اجلاس منعقد ہوا جس میں پنجاب اربن لینڈ ریکارڈ سسٹم انہانسمنٹ کی کارکردگی کا جائزہ لیا گیا -

اس موقع پر ایس ایم بی آر نے بتایا کہ پلس پروگرام کے ذریعے پنجاب کے تمام موضع جات کی ڈیجیٹائزیشن کا عمل تیزی سے جاری ہے اور اب تک صوبہ میں 23 ہزار سے زائد موضع جات کی ڈیجیٹائزیشن مکمل ہو چکی ہے اور اس کا نوٹیفکیشن بھی جاری ہو چکا ہے جبکہ ضلع لاہور میں 88 موضع جات کی مکمل ڈیجیٹائزیشن ہو چکی ہے جو 15 دسمبرتک مکمل ہو جائے گی-

نبیل جاوید نے بتایا کہ پنجاب کے مختلف اضلاع میں 2249 موضع جات کی ڈیجیٹائزیشن پر کام جاری ہے اور ڈیجیٹائزیشن کے عمل کو مزید تیز بنانے کے لئے پنجاب کے تمام ایڈیشنل کمشنرز ریونیو اور عملہ کو ہدایت جاری کی گئی ہے کہ وہ 11 نومبر تک پنجاب کے تمام موضع جات کی جمع بندیاں بورڈ آف ریونیو کو جمع کرائیں -انہوں نے کہا کہ جن اضلاع کے افسران و اہلکاران طے شدہ ڈیڈ لائن تک جمع بندیاں بورڈ کو جمع نہیں کرائیں گے انکے خلاف سخت قانونی کارروائی عمل میں لائی جائے گی اور اس موقع  پر سینئر ممبر بورڈ آف ریونیو نے سیکرٹری ریونیو بورڈ حافظ احمد طارق کو ہدایت جاری کی کہ جو اہلکاران جمع بندیاں جمع کرانے میں تاخیر کا سبب بن رہے ہیں ان کے خلاف فوری ایکشن لیا جائے اور روزانہ کی بنیاد پر رپورٹ مرتب کر کے سینئر ممبر بورڈ آف ریونیو کو جمع کرائی جائے-

نبیل جاوید نے مزید کہا کہ پنجاب میں ریونیو ریکارڈ کی ڈیجیٹائزیشن کی ڈیڈ لائن 30 دسمبر مقرر کی گئی ہے اور اس میں کسی قسم کی تاخیربرداشت نہیں کی جائے گی- اس ضمن میں انہوں نے ہدایت جاری کی کہ پنجاب اربن لینڈ ریکارڈ سسٹم انہانسمنٹ کے منصوبے کی بروقت تکمیل کے لئے آئندہ ہفتے کو پنجاب کے تمام کمشنرز کی کانفرنس بلائی جائے گی تا کہ پلس کے منصوبے کوبروقت مکمل کیا جاسکے- 

Read More

صوبائی وزیر رمیش سنگھ اروڑہ کی کوتھم کے 25 ویں سالانہ کانووکیشن میں شرکت

صوبائی وزیر کی نوجوانوں کی اقتصادی بااختیاری میں کوتھم کے کردار کی تعریف

لاہور، : کوتھم کالج آف ٹور ازم اینڈ ہوٹل مینجمنٹ کے 25 ویں سالانہ کانووکیشن کا انعقاد فلیٹیز ہوٹل لاہور میں کیا گیا۔ تقریب میں صوبائی وزیر برائے اقلیتیں رمیش سنگھ اروڑہ نے بطور مہمان خصوصی شرکت کی جبکہ اس موقع پر ہوٹلنگ، ک ±کنگ آرٹس، بیکنگ اینڈ پیٹیسیری، اور ٹریول اور ٹورازم مینجمنٹ جیسے مختلف پروگرامز کے طلباء کو سرٹیفکیٹس اور تمغے دیے گئے۔

اپنے خطاب میں، رمیش سنگھ اروڑہ نے تمام گریجوایٹنگ طلباءکو مبارکباد دی اور اس بات پر زور دیا کہ ان کی کامیابیاں محنت، والدین کی دعاو ¿ں، اور اللہ کی برکتوں کا نتیجہ ہیں۔ انہوں نے COTHM کے کردار کی تعریف کرتے ہوئے کہا کہ نوجوانوں کو باعمل تعلیم اور تربیت کے ذریعے اقتصادی بااختیاری کی جانب گامزن کرنا بلاشبہ قابل تحسین اقدام ہے۔ انہوں نے کہا، "COTHM صرف ایسے گریجوایٹس تیار نہیں کرتا جو مارکیٹ کے تقاضوں سے ہم آہنگ مہارتیں رکھتے ہوں، بلکہ یہ ایسے گریجوایٹس پیدا کرتا ہے جو اپنی شناخت دریافت کر کے مہمان نوازی، سفر، اور سیاحت کی صنعت میں حقیقی معنوں میں خدمات انجام دینے کے قابل ہوتے ہیں۔"

انہوں نے مزید کہا کہ COTHM کے گریجوایٹس بلا شبہ مارکیٹ ڈرائیون مہارتوں سے لیس ہیں اور مہمان نوازی، سفر، اور سیاحت کی صنعت میں اہم کردار ادا کرنے کے لیے تیار ہیں۔

سی ای او کوتھم احمد شفیق نے حاضرین سے خطاب کرتے ہوئے ادارے کی تاریخ میں اس سنگ میل اور نئے سفر کی شروعات کا ذکر کیا۔ انہوں نے یقین دلایا کہ گریجوایٹس عالمی سطح پر بہترین ہیں اور بین الاقوامی مہمان نوازی، سفر، اور سیاحت کی صنعت میں قیادت کے کردار سنبھالنے کے لیے تیار ہیں۔ احمد شفیق نے پاکستان میں ایک ایسے تعلیمی نظام کی ضرورت پر زور دیا جو جدید تعلیم کو عملی مہارتوں کے ساتھ جوڑتا ہو، اور کہا کہ "ڈگری کے ساتھ مہارت" قوم کی ترقی کے لیے انتہائی اہم ہے۔

کانوویکیشن میں تعلیم کے شعبے کے ماہرین، ہوٹلنگ کی صنعت کے پیشہ ور افراد، صحافی برادری، سول سوسائٹی کے اہم افراد، گریجوایٹنگ طلباءاور ان کے والدین نے شرکت کی۔

٭٭٭٭ 

Read More

صوبائی وزیر صحت خواجہ سلمان رفیق سے محکمہ سپیشلائزڈ ہیلتھ کیئر اینڈ میڈیکل ایجوکیشن میں ہیلتھ سیکیورٹی کیلئے نیشنل ایکشن پلان کے حوالے سے سی ای او نیشنل انسٹی ٹیوٹ آف ہیلتھ کے ہمراہ وفد نے ملاقات

صوبائی وزیر صحت خواجہ سلمان رفیق سے محکمہ سپیشلائزڈ ہیلتھ کیئر اینڈ میڈیکل ایجوکیشن میں ہیلتھ سیکیورٹی کیلئے نیشنل ایکشن پلان کے حوالے سے سی ای او نیشنل انسٹی ٹیوٹ آف ہیلتھ کے ہمراہ وفد نے ملاقات کی۔

سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود اور سیکرٹری محکمہ پرائمری اینڈ سیکنڈری ہیلتھ کیئر نادیہ ثاقب نے شرکت کی۔اس موقع پر ایڈیشنل سیکرٹری ٹیکنیکل ڈاکٹر وسیم، ڈپٹی سیکرٹری ڈاکٹر عبد الرحمٰن، ڈاکٹر سعید اختر، ڈاکٹر یداللہ و دیگر موجود تھے۔وفد میں سی ای او نیشنل انسٹی ٹیوٹ آف ہیلتھ ڈاکٹر محمد سلمان، ہیلتھ ایڈوائزر ڈاکٹر صفیع ملک، ڈاکٹر عاقل، وہاج اور عفیفہ موجود تھے۔صوبائی وزیر صحت خواجہ سلمان رفیق اور وفد کے درمیان شعبہ صحت کی بہتری کیلئے وفاق اور صوبہ پنجاب کے درمیان کوآرڈی نیشن کو بہتر کرنے پر تبادلہ خیال اور اتفاق ہوا۔وفد نے صوبائی وزیر صحت خواجہ سلمان رفیق کو مختلف اقدامات پر بریفنگ دی۔

صوبائی وزیر صحت خواجہ سلمان رفیق نے کہاکہ وفد کی ہیلتھ سکیورٹی کیلئے نیشنل ایکشن پلان بارے تجاویز اور آراءنہایت مفید ہیں۔ حکومت پنجاب ہیلتھ کیئر سسٹم کے اندیکیٹرز کو بہتر کرنے کیلئے کوشاں ہے۔ عام آدمی تک صحت کی بہتر سہولیات کی فراہمی اولین ترجیح ہے۔ خواجہ سلمان رفیق نے کہاکہ پنجاب میں ہیلتھ سیکیورٹی کے حالات الحمدللہ بہت بہتر ہیں۔ انشاءاللہ اس پلان پر عمل کرکے انٹرنیشنل ہیلتھ ریگولیشن کے ثمرات حاصل کئے جا سکتے ہیں۔ انہوں نے کہاکہ اس پلان کے تحت ہیلتھ انڈیکیٹرز کی بہتری کیلئے اقدامات اٹھائے جائیں گے۔ حکومت پنجاب سرکاری لیبز کی استدکار بھی بڑھا رہی ہے۔صوبائی وزیرصحت خواجہ سلمان رفیق نے پنجاب بھر میں کیپیسٹی بلڈنگ کیلئے یوکے ہیلتھ سیکورٹی ایجنسی کی جانب سے آئی ڈی ایس آر کی ٹریننگز کو سراہا۔

٭٭٭٭ 

Read More

پاپولیشن مینجمنٹ اینڈ فیملی پلاننگ'' کے موضوع پر بیچلر آف فائن آرٹس کے مقالے کا تھیسس 2024ئ ڈائریکٹر جنرل بہبود آبادی پنجاب ثمن رائے افتتاحی تقریب کی مہمان خصوصی تھیں

 پاپولیشن مینجمنٹ اینڈ فیملی پلاننگ'' کے موضوع پر بیچلر آف فائن آرٹس کے مقالے کا تھیسس 2024ئ

پنجاب یونیورسٹی کے شعبہ فائن آرٹس کےBFA فائنل کے45سٹوڈنٹس کی اپنے تھیسس ڈسپلے کے ساتھ شرکت

ڈائریکٹر جنرل بہبود آبادی پنجاب ثمن رائے افتتاحی تقریب کی مہمان خصوصی تھیں

 پنجاب یونیورسٹی کا بیچلر آف فائن آرٹس (BFA) کا مقالہ ''پاپولیشن مینجمنٹ اینڈ فیملی پلاننگ'' پر ایک فکر انگیز منصوبہ

پنجاب حکومت آبادی کے انتظام اور خاندانی منصوبہ بندی کے اقدامات پر سرگرمی سے کام کر رہی ہے

ہر سٹوڈنٹس نے اپنے ہنر و فن کو کینوس اور دیگر فن پاروں کے ذریعے خود کو متعارف کرواکرادارے کا نام روشن کیا ہے

بین ا لاقوامی سطح پر ان طلباءکی محنت، لگن اور صلاحیتیں کسی بھی بڑے ہنر مند سے کم نہیں

 طلباءآرٹ اور ڈیزائن سے سماجی اور رویے میں تبدیلی لانے میں متحیر،ان کی کاوشوں کو ہمیشہ سنہرے حروف میں لکھا جائے گا

لاہور، : پاپولیشن مینجمنٹ اینڈ فیملی پلاننگ'' کے موضوع پر بیچلر آف فائن آرٹس کے مقالے کا تھیسس2024ءکے سلسلہ میں آج پنجاب یونیورسٹی کے شعبہ فائن آرٹس کے BFA فائنل کے 45 سٹوڈنٹس نے اپنے تھیسس ڈسپلے کے ساتھ شرکت کی۔ ان تمام فن پاروں کی افتتاحی تقریب کی مہمان خصوصی ڈائریکٹر جنرل بہبود آبادی پنجاب ثمن رائے تھیں۔اس موقع پر ڈاکٹر سمیرہ جاوید و دیگر اساتزہ اور طلبا و طالبات کی کثیر تعداد بھی موجود تھی۔

ڈائریکٹر جنرل بہبود آبادی پنجاب ثمن رائے نے اپنے خطاب میں کہا کہ پنجاب یونیورسٹی کا بیچلر آف فائن آرٹس (BFA) کا مقالہ ''پاپولیشن مینجمنٹ اینڈ فیملی پلاننگ'' پر ایکفکر انگیز منصوبہ ہے جو پاکستان میں ایک اہم مسئلے سے نمٹتا ہے۔پنجاب حکومت آبادی کے انتظام اور خاندانی منصوبہ بندی کے اقدامات پر سرگرمی سے کام کر رہی ہے۔ پاپولیشن ویلفیئر ڈیپارٹمنٹ نے خاندانی منصوبہ بندی کی خدمات، رسائی اور انتظام کو مضبوط بنانے کے لیے پروگرام شروع کیے ہیں۔ ان کوششوں کا مقصد پیدائشی وقفہ کی حوصلہ افزائی کرنا اور تولیدی صحت کو بہتر بنانا ہے۔علمی حلقوں میں، محققین نے پاکستان میں آبادی میں اضافے کے ثقافتی اور سماجی پہلوو ¿ں کو تلاش کیا ہے۔ پنجاب یونیورسٹی کی ایک تحقیق نے آبادی میں اضافے اور خاندانی منصوبہ بندی کے بارے میں پاکستانی عوام کے نقطہ نظر کا جائزہ لیا گیا ہے۔انہوں نے کہا کہ حکومت پنجاب نے خاندانی بہبود کے مراکز کو وسعت دینے اور صحت کی دیکھ بھال کی خدمات کو بہتر بنانے کے لیے پروگرام شروع کیے ہیں۔ یہ اقدامات آبادی کے انتظام اور خاندانی منصوبہ بندی کے چیلنجوں سے نمٹنے کے لیے حکومت کے عزم کو ظاہر کرتے ہیں۔ہر سٹوڈنٹس نے اپنے ہنر و فن کو کینوس اور دیگر فن پاروں کے ذریعے خود کو متعارف کرا کر ادارے اور خود کا نام روشن کیا ہے۔اس سلسلہ میں ان اساتزہ کو خراج تحسین پیش کرنا ہو گا جن کی محنت اور جستجو سے ان طلباءنے یہ مقام حاصل کیا۔انہوں نے کہا کہ بین ا لاقوامی سطح پر اگر ان طلباءکی محنت اور لگن کو دیکھا جائے تو ان کی صلاحیتیں کسی بھی بڑے ہنر مند سے کم نہیں۔ ان طلباءکے آرٹ اینڈ سوشل چینج کے ذریعے دیہی پنجاب میں آبادی کے انتظام اور خاندانی منصوبہ بندی کو فروغ دینے کے لیے ایک بصری مواصلاتی مہم کے ذریعے دیہی پنجاب میں آبادی کے انتظام اور خاندانی منصوبہ بندی کو مو ¿ثر طریقے سے فروغ دینے کے لیے بصری مواصلاتی ڈیزائن کا استعمال کیا جا سکتا ہے۔ یہ طلباءآرٹ اور ڈیزائن سماجی تبدیلی اور رویے میں تبدیلی لانے میں ہمیشہ اپنا حصہ ڈالنے میں متحیر ہیں ان کو کاوشوں کو ہمیشہ سنہرے حروف میں لکھا جائے گا۔

٭٭٭٭

Read More