ضلعی امن کمیٹی ممبران کی ایس ایس پی آپریشنز تصور اقبال، ایس پی سیکورٹی عبدالوہاب سے ملاقات
ملاقات میں عبادت گاہوں کے اسلامی شعار سے مطابقت،اقلیتی عبادت گاہ کے مسئلہ بارے تفصیلی گفتگو
امن کمیٹی کا انتظامیہ کے ساتھ مل کر قانونی رستہ اختیار کرنے کے عزم کا اعادہ
ضلعی امن کمیٹی ممبران نے ایس ایس پی آپریشنز تصور اقبال اور ایس پی سیکورٹی لاہورعبدالوہاب سے اُن کے دفتر میں ملاقات کی۔ وفد میں تحریک لبیک پاکستان، سنی، اہلحدیث، دیوبند، اہل تشیع اور ختم نبوت کانفرنس کے علماء شامل تھے۔ ملاقات میں عبادت گاہوں کے اسلامی شعار سے مطابقت کے حوالے سے تفصیلی گفتگوکی گئی۔ امن کمیٹی نے سوشل میڈیا پر اقلیتی عبادت گاہ گڑھی شاھو سمیت دیگر اقلیتی عبادت گاہوں کی اسلامی طرز پر تعمیر کے حوالے سے تحفظات سے آگاہ کیا۔ وفد نے انتظامیہ کے ساتھ مل کر قانونی رستہ اختیار کرنے کے عزم کا اعادہ کرتے ہوئے عبادت گاہوں کی تعمیر میں اسلامی شعار پر عمل درآمدکے لیے عدالت جانے کا فیصلہ کیا۔ ایس پی سیکورٹی عبدالوہاب نے امن کمیٹی کو قانون کے مطابق مکمل تعاون کی یقین دہانی کروائی۔ امن کمیٹی ممبران نے عوام سے تحمل اور قانون پر عمل کرنے کی درخواست کی۔ مفتی محمد عمران، مفتی محمد علی نقشبندی، مفتی عاشق حسین نے سنی،علامہ علی مہدی نے اہل تشیع، حافظ عثمان نے تحریک لبیک پاکستان، مولانا اسد عبید جامعہ اشرفیہ، اشرف گجر(ممبر ختم نبوت کانفرنس)نے دیوبند جبکہ مولانا عبدالوحید روپاری نے اہل حدیث علماء کی نمائندگی کی۔
.jpeg)