ڈی آئی جی آپریشنز دفترمیں کھلی کچہری کاباقاعدگی سے انعقاد
درخواستوں پر کارروائی کے احکامات جاری
حق دار کو اس کا جائز حق ہر صورت ملنا چاہئے، ایس ایس پی آپریشنز تصور اقبال
لاہور، :ایس ایس پی آپریشنز لاہورتصور اقبال نے کہا ہے کہ حق دار کو اس کا جائز حق ہر صورت ملنا چاہئے۔شہریوں کو قانونی تقاضے پورے کرتے ہوئے فوری انصاف فراہم کرنا اولین ترجیح ہے۔ان خیالات کا اظہار انہوں نے ڈی آئی جی آپریشنز دفتر میں کھلی کچہری کے دوران کیا۔کھلی کچہری میں لین دین، وراثتی معاملات،لڑائی جھگڑوں سمیت دیگر مسائل بارے 22درخواستیں موصول ہوئیں۔ڈی آئی جی آپریشنز کی ہدایت پر ایس ایس پی آپریشنز تصور اقبال نے سائلین کے مسائل سنے اور حل کیلئے متعلقہ افسران کو احکامات جاری کئے۔تصور اقبال نے ایس ایچ او شادباغ کو دھمکیوں کی شکایت کا مقدمہ درج کرنے جبکہ لین دین کے معاملہ پر ایس ایچ او رائیونڈ کو کاغذات کی جانچ پڑتال کے بعد کارروائی کا حکم دیا۔انہوں نے معاہدہ ختم ہونے کے بعد بھی گھرخالی نہ کرنے پر سائلہ کی درخواست پر ایس ایچ او مغلپورہ کو معاہدہ کی دستاویزات کے مطابق کارروائی کی ہدایت دی۔ ایس ایس پی آپریشنز نے ایس پی سٹی کوشہری زبیر کی 6 لاکھ روپے گروی کی رقم کے معاملہ کی انکوائری کے بعد گروی کی رقم واپس دلوانے کی ہدایت کی۔ تصور اقبال نے پولیس افسران کو سائلین کی دستاویزات مکمل ہونے پر قبضہ گروپوں کے خلاف فوری کارروائیکیہدایات کی۔ شہریوں نے ڈی آئی جی آپریشنزکے کھلی کچہری فورم پر اعتماد، فیصلوں پر اطمینان کا اظہارکیا۔
۔۔۔۔
.jpeg)