معاون خصوصی برائے وزیر اعلیٰ پنجاب زکوٰۃ و عشر راشد اقبال نصر اللہ نے پنجاب ووکیشنل ٹریننگ سنٹر کا دورہ کیا۔
چیئرمین پنجاب ووکیشنل ٹریننگ سنٹر ودیگر افسران نے معاون خصوصی کا استقبال کیا۔
راشد نصر اللہ نے وزیر اعلیٰ پنجاب کی ہدایات کے مطابق نوجوان کیلئے ٹریننگ پروگرامز کا جائزہ لیا۔
چیئرمین پنجاب ووکیشنل سنٹر نے معاون خصوصی کو ادارے کے امور بارے بریفنگ دی۔ پنجاب ووکیشنل سنٹر نے قیام سے لیکر اب تک 9 لاکھ سے زائد افراد کو ٹریننگ دی۔ 2 ہزار سے زائد ماہرین مستحق طلباء و طالبات کو مختلف شعبوں بارے ٹریننگ دے رہے ہیں۔ وزیر اعلیٰ پنجاب کی ہدایات کے مطابق 10 مختلف ٹریڈز کا انتخاب کیا گیا ہے۔ ٹریننگ کی موجودہ استعداد کو مزید بہتر بنایا جا رہا ہے۔ وزیر اعلیٰ پنجاب کی ہدایات پر 375 لیبز کی پہلے مرحلے میں آپ گریڈیشن کی جا رہی ہے۔ وزیر اعلیٰ پنجاب کی خصوصی ہدایت پر جیلوں سے رہا ہونے والے قیدیوں کو بھی ٹریننگ دی جائیگی۔ راشد اقبال نصر اللہ نے ٹرینی افراد سے گفتگو کی اور سہولیات بارے جائزہ لیا۔ معاون خصوصی راشد نصر اللہ کا کہنا تھا کہ وزیر اعلیٰ پنجاب کا مشن ہے ہنر مند پنجاب۔ پسماندہ علاقوں سے طلباء و طالبات کی ٹریننگ کو ترجیح دی جائے۔ نوجوانوں کو ہنرمند بنانا حکومت پنجاب کی اولین ترجیح ہے-
٭٭٭٭
.jpeg)